|
Ferðamál fatlaðra á hálendinu enn óleyst |
 |
 |
|
Þriðjudagur, 15. Maí 2012 22:30
|
|
|
|
Bergur Þorri Benjamínsson Málefnafulltrúi Sjálfsbjargar lsf. og bróðir hans Jón Gunnar Benjamínsson voru á Rás 2 í dag og ræddu ferðamál fatlaðra um hálendið.
Smellið hér til að heyra viðtalið.
|
|
|
Telur Umhverfisráðherra, hreyfihamlaða, fjarskylda Einstein ? |
|
|
|
Föstudagur, 11. Maí 2012 13:04
|
|
|
Bergur Þorri Benjamínsson Málefnafulltrúi Sjálfsbjargar lsf skrifar.
Í nær 3 ár hefur gengið né rekið að fá þær breytingar í gegn að þeir sem ekki geta nýtt sér t.d gönguleiðir í þjóðgörðum eða stangveiði með hefðbundnum hætti, geti fengið undanþágur til að nota t.d fjórhjól til að koma sér um hálendið. Sé rétt að farið og við réttar aðstæður eiga slíkt tæki ekki að skemma annars viðkvæman gróður. Núverandi reglur banna slíkt. Fyrst var umhverfisstofnum með þetta mál en þegar þeir höfðu skoðaða það nógu lengi komust þeir að því breytingu á reglum þyrfti að koma til. Fór þá málið til umhverfisráðherra sem er búinn að vera með það í meira en ár.
Fyrst í stað var Umhverfisráðherra meira en til að kippa þessu máli í liðinn fljótt og vel en fljótlega fór þó að koma annað hljóð í strokkinn.
Ljóst er að ráðherra hefur ekki þann stuðning úr ráðuneytinu til að breyta þeim reglum sem breyta þarf. Kom það skýrt fram í fyrirspurnartíma á Alþingi í mars sl. Vissulega er gott að ráðherra fari eftir slagorði ÖBI segir; „ekkert um okkur án okkar“ með víðtæku samráðshóps-ferli. Hins vegar skiptir slíkt ferli litlu þegar vilji þeirra sem í hópnum sitja f.h. ráðherra, til breytinga er ekki til staðar . Umræddur samráðsópur var sett af stað 1.12 2011 og átti að ljúka störfum 1.5 2012 sl.
Því alveg ljóst að sú ákvörðun ráðherra að setja samráðshóp á fót var meira skrauts en til að leysa málið.
Væri ekki nær að hæstvirtur Umhverfisráðherra leysti málið með því að stíga fram eða gæfist upp ?
Hreyfihamlaðir sjá í gegnum þennan skollaleik enda ekki fjarskyldari Einstein en hver annar.
|
|
Ég verð að læra að bíða |
|
|
|
Mánudagur, 23. Apríl 2012 17:13
|
|
|
|
Í gær kom ég heim úr skólanum um sex leytið og hringdi eftir aðstoð klukkan 18:10. Ég var að fara á fund út í bæ klukkan hálf átta og var að vonast til að geta fengið mér smá snarl og látið tæma þvagpokann áður en ég færi. Þegar ég þurfti að fara þá var enginn kominn og starfsmaður komst ekki til mín fyrr en um 20:30 eða tveimur klukkutímum og tuttugu mínútum eftir að ég hringdi. Ég var þá löngu farinn og gat því ekki nýtt aðstoðina.
Ég verð að viðurkenna að þetta er með lengstu skiptunum sem ég hef þurft að bíða en hinsvegar er um og yfir klukkutíma bið ótrúlega algeng en það hefði líka verið of seint fyrir mig í þetta skiptið.
Ég hef einnig nýlega þurft að bíða hátt í tvo tíma vegna stíflaðs þvagleggs sem getur verið mjög sársaukafullt og hættulegt vegna ósjálfráðra rangviðbragða, eins hef ég þurft að bíða fastur uppí rúmi í allt að tvo tíma eftir aðstoð starandi upp í loftið.
Ég vil taka fram að ég tel þetta ekki vera starfsfólkinu að kenna heldur er vandamálið of mikið álag og of þétt dagskrá ásamt fáránlegu skipulagi.
Rúnar Björn Herrera Þorkelsson |
|
Búa fatlaðir við ferðafrelsi? |
|
|
|
Þriðjudagur, 17. Apríl 2012 13:57
|
|
|
|
Grétar Pétur Geirsson, formaður Sjálfsbjargar sagði í Síðdegisútvarpinu að samkvæmt lögum eigi að greiða leið fyrir fatlaða í ferðamálum. Þeirri skyldu væri ekki sinnt af sveitarfélögum sem fyrir ári tóku við málaflokki fatlaðra frá ríkinu.
Eins og Síðdegisútvarpið fjallaði um sl. fimmtudag þá er mjög kostnaðarsamt fyrir fatlaða og langveika að ferðast og oft þarf að stóla góðgerðarsamtök og velvild samborgaranna. Fram kom í máli formanns Þroskahjálpar að stuðningur hins opinbera væri lítill en Þroskahjálp líti svo á að sá viðbótar kostnaður sem hlýst af fötlun sé kostnaður samfélagsins.
Á sama tíma er rúmlega 100 milljónum króna af almannafé veitt árlega í svokallaðan Orlofssjóð húsmæðra. Það er sjóður sem Alþingi stofnsetti fyrir 50 árum þegar samfélagsgerðin var allt önnur en er engu að síður enn við lýði. Formaður Sambands íslenskra sveitarfélaga sagði í þættinum sl. fimmtudag að sveitarfélögin væru til viðtals um að þessu fé yrði veitt til að gera fötluðum kleift að ferðast.
|
|
|
|
|
<< Fyrsta < Fyrri 1 2 3 4 5 6 7 8 9 10 Næsta > Síðasta >>
|
|
síðu 1 of 32 |
