Hjálparliðasjóður Sjálfsbjargar lsh.

Hjálparliðasjóður Sjálfsbjargar landssambands hreyfihamlaðra, var stofnaður árið 1997 með það að markmiði að auðvelda hreyfihömluðum að ferðast. Markmið sjóðsins er að gera hreyfihömluðum kleift að ferðast innanlands og utan á jafnréttisgrundvelli. Sjóðurinn veitir umsækjendum styrk vegna hjálparliða (aðstoðarmanna/kvenna) á ferðalögum og sem getur ráðið úrslitum um það hvort hreyfihamlaður einstaklingur getur ferðast.

Frá stofnun sjóðsins hafa margir styrkir verið veittir en tekjur sjóðsins hafa aftur verið frekar takmarkaðar og ávöxtun höfuðstólsins verið lítil.

Sumarið 2005 fór Kjartan Jakob Hauksson í hringferð í kringum landið á árabát og safnaði hann áheitum sem síðan runnu í Hjálparliðasjóð Sjálfsbjargar. Sjóðurinn var á þessum tímapunkti orðinn ansi lítill og rétti hann verulega vel úr kútnum við þetta.

Þá hljóp Björgvin Ingi Ólafsson í Reykjavíkurmaraþoninu 2016 í nafni sjóðsins og skilaði það sjóðanum kr. 356.899.– og hyggst Björgvin halda þessu áfram. Unnið er að því að hvetja fleiri einstaklinga til að hlaupa í maraþoninu í nafni Hjálparliðasjóðsins. Áhugasamir þurfa bara að merkja við sjóðinn við skráningu í maraþonið. Bergur Þorri Benjamínsson formaður Sjálfsbjargar lsh. gefur frekari upplýsingar ef á þarf að halda – sími: 5500-360.

Úthlutað er úr Hjálparliðasjóðnum tvisvar á ári ef fjármagn leyfir. Skilafrestur umsókna í sjóðinn er til 1. maí og 1. september ár hvert. Í síðustu úthlutun í júní 2017 voru 6 einstaklingar styrktir.

Vinsamlegast skilið umsókninni með netpósti (ef þess er nokkur kostur) á netfangið: sjalfsbjorg@sjalfsbjorg.is og merkið sem umsókn í Hjálparliðasjóðinn og nafn umsækjanda.

Umsókn til Hjálparliðasjóðsins

Reglur um hjálparliðasjóð Sjálfsbjargar finnur þú hér