Við atvinnuleit er gott að vita hverjar eru helstu ráðningarskrifstofur landsins. Þar er hægt að fá aðstoð við að finna störf, læra hvernig skal gera ferilskrá og vera á skrá yfir einstaklinga sem eru í leit að starfi. Hér fyrir neðan má sjá ýmsa aðila sem aðstoða fólk við atvinnuleit.
Sveitarfélögin auglýsa oft laus störf á vefsíðum sínum.
Að sækja um starf
Þegar sótt er um starf er gott að afla sér upplýsinga um hvernig gera eigi ferilskrá (þar sem upplýsingar um menntun og fyrri störf koma fram) og hvernig best er að undirbúa sig undir atvinnuviðtal. Atvinnumiðlanir geta veitt upplýsingar um hvernig gera eigi ferilskrá og hafa einnig góð ráð.
Það hefur verið álitamál hvort fatlaðir einstaklingar eigi að gefa upp fötlun sína í atvinnuumsókn. Slíkt getur því miður orðið til þess að viðkomandi er í einhverjum tilfellum útilokaður frá að vera valinn í atvinnuviðtal. Því er fólki hér ráðlagt að nefna fötlun sína ekki í umsókn ef viðkomandi er boðaður í atvinnuviðtal láta þá á það reyna hvort fötlunin skipti máli eða ekki. En ef fötlunin mun fyrirsjáanlega hafa áhrif á getu viðkomandi til að vinna hið tiltekna starf þarf að geta fötlunarinnar í atvinnviðtalinu og sjá hvert það leiðir.
Ráðleggingar til atvinnuleitenda
Atvinnuumsókn samanstedur af kynningarbréfi, þar sem umsækjandi er að sækja um tiltekið starf og kynnir sig hvaða sérstöku hæfileika hann hefur til að geta staðið sig vel í viðkomandi starfi. Þá fylgir ferilskrá viðkomandi með og er þar yfirlit yfir starfsferil, menntun, tiltekna hæfni og færni. Ferilskráin er almennt ekki breytt eftir hvaða starf sótt er um. Gerð ferilskrár getur verið vandasamt verk og mikilvægt er að hún sé skipulega og vandlega sett upp.
Á eftirfarandi síðum er að finna góð ráð sem fjalla um innihald ferilskrár og kynningarbréfs og þess sem þarf að hafa í huga í starfsviðtali:
Áttavitinn - fyrir fólk 16 - 25 ára
Hagvangur
Náms og starfsráðgjöf Háskóla Ísland
Starfsmennt - veitir öllum þeim sem eru í aðildarfélögum Starfsmenntar ráðgjöf og einstaklingsviðtöl. Þar er meðal annars hægt að fá aðstoð við að útbúa ferilskrá.
Hjá Alfreð-atvinnuleit er hægt að skoða störf í boði, láta vakta fyrir sig ákveðin störf eða starfsgrein og maður er látinn vita þegar rétta starfið dettur inn, líka er hægt að láta minna sig á að sækja um ákveðin störf. Það er í boði að lesa greinar með gagnlegum upplýsingum fyrir atvinnuviðtal og fá hjálp við gerð ferilskrár. Hægt er að sækja Alfreð app í Iphone eða Android snjallsíma.
Sæmundargötu 4 | 101 Reykjavík | 570 0700 | [email protected] | Vefsíða Atvinnumiðlunar Stúdenta
Félagsstofnun stúdenta er með Stúdentamiðlunina þar sem námsmenn geta skráð sig á vefinn séu þeir í leit að vinnu og atvinnurekendur geta skráð laus störf hjá þeirra fyrirtæki. Atvinnuleitin fer að mestu fram milliliðalaust þar sem námsmenn/atvinnurekendur leita sjálfir í gagnagrunninum að atvinnu/starfsmanni.
Skógarhlíð 12 | 105 Reykjavík | 520 4700 | [email protected] | Vefsíða Hagvangs
Fyrirtækið sér um ráðningar og ráðgjöf er varðar atvinnulífið. Hagvangur býður fólki í atvinnuleit að vera á skrá hjá sér því mörg störf eru aldrei auglýst opinberlega. Hagvangur hefur oft sinnt ráðningum í stjórnunar- og sérfræðistörf.
Fiskislóð 81 | 107 Reykjavík | 561 5900 | [email protected]| Vefsíða HH ráðgjafar
HH ráðgjöf er með ráðningarþjónustu og er hægt að skrá sig hjá þeim í gegnum netið. Jafnframt býður fyrirtækið upp á námskeið sem tengjast atvinnuleit eða til að auka færni sína í starfi.
Síðumúla 5 | 108 Reykjavík | 511 1225 |Vefsíða Intellecta
Intellecta sér um ráðningar á stjórnendum og "lykil starfsfólki" fyrir fyrirtæki og veitir fyrirtækjum ráðgjöf.
Austurströnd 3 | 170 Seltjarnarnesi | 552 3335 | [email protected] | Vefsíða Job.is
Í gegnum vefsíðu Job.is er hægt að gera almenna leit að störfum en jafnframt er hægt að leita að störfum eftir fyrirtækjum eða eftir tegund starfs. Opnunartími skrifstofu er virka daga frá 9 - 16.
[email protected] | Vefsíða Störf.is
Í gegnum leitarvél Starfa er hægt að nálgast atvinnuauglýsingar af helstu vefmiðlum sem auglýsa störf. Hægt er að setja inn ákveðin leitarskilyrði og fá tilkynningu ef nýjar atvinnuauglýsingar birtast.
EURES er samstarfsverkefni Framkvæmdastjórnar Evrópu og opinberrar vinnumiðlunar aðildarríkja EES (ESB landanna ásamt Noregi, Íslandi og Liechtenstein) og ýmissa aðildarstofnana. Sviss tekur einnig þátt í EURES samstarfinu. Á vef EURES er hægt að finna laus störf í Evrópu.
Síðumúli 13 | 108 Reykjavík | 561 2700 | [email protected] | Vefsíða Nínukots
Nínukot heldur utan um störf erlendis þar sem hægt er að vera Au-pair, sinna sjálfboðavinnu, fara í tungumálanám og stunda svokallað "work & travel".
Hefur þú ábendingar eða frekari spurningar? Hafðu samband hér