Merki Sjálfsbjargar

Merki Sjálfsbjargar er eftir Ríkarð Jónsson útskurðarmeistara og myndhöggvara. Í upprunalegri útgáfu merkisins var áletrunin með höfðaletri, en það merki sem nú er jafnan notað er sú útgáfa sem er með latneskri leturgerð sem þorri fólks á léttara með að lesa.

 

Þegar Sjálfsbjörg, landssamband fatlaðra, var fimm ára 1964 gáfu aðildarfélögin landssambandinu útskorinn fundarhamar úr fílabeini með merkinu á, og skafti úr hreindýrshorni. Hvatningarorð listamannsins til Sjálfsbjargarfélaga voru skorin út á skaftið:

,,Alltaf beita upp í vindinn, eygja, klífa hæsta tindinn.”

skfundahamar