Með tölvupósti þann 23. mars sl. til allra formanna, var landsfundi Sjálfsbjargar frestað til 26. september.

Kæru formenn.

Vegna hins skæða Vírus sem veldur Covid-19 hefur stjórn Sjálfsbjargar tekið þá ákvörðun að fresta landsfundi til 26. september.

Var þessi tímasetning valinn með það fyrir augum að gefa aðildarfélögum nægan tíma til að halda sína aðalfundi/fundi til að tilnefna á landsfund. Sjálfsbjörg á Höfuðborgarsvæðinu hefur nú þegar valið á landsfund og helst sú tilnefning, það félag sem og öll önnur félög á hins vegar eftir eiga hins vegar eftir að skila sínum aðalfundargögnum enda engir sínir fundir verið haldnir.

Minnt er á þá tímalínu sem er í gildi fyrir landsfund eins og segir í 15. grein laga Sjálfsbjargar.

(15. grein Landsfundur – tillögur-Álit, ályktanir og tillögur til lagabreytinga, er stjórn ætlar að leggja fyrir landsfund Sjálfsbjargar, skal birta á vefsíðu Sjálfsbjargar eigi síðar en 4 vikum fyrir landsfund. Mál þau og tillögur, er aðildarfélögin óska að verði tekin fyrir á landsfundi, skal senda stjórn eigi síðar en 4 vikum fyrir landsfund og skulu þær þá birtar á vefsíðu Sjálfsbjargar. Tillögur er varða fjárhags- og skipulagsbreytingar, skal þó senda stjórn 8 vikum fyrir landsfund. Stjórn skal kynna tillögur um fjárhags- og skipulagsbreytingar sem leggja á fyrir landsfund ásamt umsögn sinni 4 vikum fyrir landsfund á vefsíðu Sjálfsbjargar. )

Allir frestir sem taka gildi eftir 23 mars færist með nýrri tímasetningu.

Ákvörðun um frestun landsfundar er byggð á þeirri stöðu sem er í þjóðfélaginu í dag með tilliti til Covid-19 vírusins. Við munum skoða þessa dagsetningu þegar nær dregur með tilliti til stöðunnar sem verður undir lok sumars.