Minningarsjóður Jóhanns Péturs Sveinssonar

Sjóðurinn veitir annars vegar styrki til hreyfihamlaðra einstaklinga til náms og hins vegar til verkefna sem tengjast úrbótum á aðgengi fatlaðs fólks. Það er ekki fyllt út sérstakt umsóknareyðublað, en í  umsókn þarf að koma fram hver sækir um styrkinn (nafn, kennitala, heimilisfang, símanúmer, og netfang) og hverslags styrk sótt er um. Þeir sem sækja um námsstyrk þurfa að sýna fram á að þeir séu skráðir í nám. Þeir aðilar sem eru að sækja um styrk vegna úrbóta í aðgengismálum þurfa að gefa skýringu á tilgangi verkefnisins, hvernig það er framkvæmt, á hvaða hátt það nýtist í framtíðinni og gera kostnaðaráætlun.

Ávallt er best að hafa greinargóðar lýsingar á aðstæðum. Umsóknir skulu sendast með netpósti til: sjalfsbjorg@sjalfsbjorg.is – eða með bréfi í pósti til: Minningarsjóður Jóhanns Péturs Sveinssonar, Sjálfsbjörg, landssamband hreyfihamlaðra, Hátúni 12, 105 Reykjavík.

Séu aðrar fyrirspurnir er best að hafa samband við Hörpu Ciliu Ingólfsdóttur (harpa@adgengi.is) en hún er stjórnarmaður sjóðsins. Í Skipulagsskra-Minningarsjods-Johanns-Peturs-Sveinssonar fást nánari upplýsingar um tilgang sjóðsins.