|
Samvinnuverkefni um ferðaþjónustu fatlaðra |
 |
 |
|
|
Samvinnuverkefni um ferðaþjónustu fatlaðra
í höfuðborgum Norðurlandanna
Þann 8. desember 2008 tók gildi tilraunaverkefni til tveggja ára milli Reykjavíkurborgar, Kaupmannahafnar, Osló og Stokkhólms sem felst í því að hreyfihamlaðir íbúar borganna geta nú nýtt sér ferðaþjónustu fatlaðra í þessum borgum. Helsinki er ekki enn með í verkefninu.
Hreyfihamlaðir Reykvíkingar sem dvelja í áðurnefndum borgum, geta þannig pantað ferðaþjónustu fatlaðra á sama hátt og notendur ferðaþjónustunnar, sem búsettir eru í borgunum. Eins geta íbúar hinna borganna, sem á þurfa að halda, pantað ferðaþjónustu fatlaðra í Reykjavík. Það gilda sömu reglur varðandi ferðaþjónustuna fyrir þá sem ferðast og heimamenn á hverjum stað.
Hægt er að fá ferðaþjónustu fatlaðra til og frá flugvöllum í hinum borgunum en sú þjónusta er ekki í boði hérlendis.
Skilyrði fyrir þjónustunni er að fólk þurfi á hjólastól að haldan á ferðum sínum og geti því ekki nýtt sér almenningssamgöngur á staðnum. Verkefnið nýtist bæði þeim hreyfihömluðu einstaklingum sem eru notendur Ferðaþjónustu fatlaðra og þeim sem eiga sérútbúinn bíl vegna fötlunar.
Þjónustumiðstöðvar Reykjavíkurborgar veita nánari upplýsingar. Á tenglinum hér að framan er að finna upplýsingabækling. Þjónustumiðstöðvar taka á móti umsóknum og sjá um að senda upplýsingar um þá sem fá þjónustuna samþykkta til viðkomandi borgar.
Frumkvæði að verkefninu kemur frá samtökum heyfihamlaðra á Norðurlöndunum, Nordisk Handikap Forbund, sem Sjálfsbjörg er aðili að. Norræna ráðherranefndin veitti styrk til verkefnisins, sem unnið var að í samvinnu við fulltrúa frá höfuðborgum Norðurlandanna.
Félögin sem standa að verkefninu eru:
Dansk Handicap Forbund, http://dhf-net.dk/
Norges Handicap Forbund, http://www.nhf.no/
De Handikappedes Riksforbund, http://www.dhr.se/
Sjálfsbjörg lsf, http://www.sjalfsbjorg.is/
Sjálfsbjörg lýsir ánægju sinni með verkefnið sem áfanga og mikilvægan þátt í því að draga úr mismunun á grundvelli fötlunar vegna aðgengis að borgarlegri þjónustu sem almennings samgöngur eru og ferðaþjónusta fatlaðra er hluti af.
|
