Ný vefsíða Sjúkratrygginga Íslands www.sjukra.is var tekin í notkun þriðjudaginn 16. febrúar sl. Vefurinn mun taka við hlutverki tr.is sem upplýsingaveita um réttindi til sjúkratrygginga. Markmiðið er einnig að vefurinn þjóni betur heilbrigðisstarfsfólki og stofnunum heldur en áður hefur verið gert.

Félag um fötlunarrannsóknir og Rannsóknasetur í fötlunarfræðum við Félags- og mannvísindadeild Háskóla Íslands bjóða til ráðstefnu um fötlunarrannsóknir.

Ráðstefnan - Mannréttindi og sjálfstætt líf - verður haldin föstudag 12. mars 2010, kl. 9.00 – 17.00 á Grand Hótel Reykjavík.

Í framhaldi ráðstefnunnar verður aðalfundur Félags um fötlunarrannsóknir haldinn eða kl. 15.30 - 17:00.

Upplýsingar og/eða skráning á ráðstefnuna má finna á þessari slóð: http://vefsetur.hi.is/fotlunarrannsoknir/radstefna_og_adalfundur

Í samfélaginu hafa langa lengi verið teknar ákvarðanir, meðvitaðar og ómeðvitaðar, um að hreyfihamlað fólk skuli búa við skert mannréttindi um aldur og ævi. Þessar ákvarðanir hafa t.d. leitt til þess að sá hópur íslenskra borgara getur ekki valið sér íbúð og búsetu hvar sem er vegna skorts á aðgengi fyrir alla og takmarkaðrar félagslegrar þjónustu. Af sömu ástæðum getur hreyfihamlað fólk ekki valið sér menntun né hefur frjálst val á vinnumarkaðnum og sama gildir um ferðafrelsið. Þetta eru allt mannréttindi sem óhreyfihamlað fólk tekur sem gefnu. Manngildi hreyfihamlaðs fólks er gjaldfellt og litið er á það sem kostnað og sérstaka greiðasemi ef samfélagið tekur tillit til og mætir þörfum þessara borgara.