Vegna tæknilegra örðuleika var ekki hægt að birta listann fyrir en nú. Nú er búið að loka formlega fyrir framboð á þing Sjálfsbjargar lsf. 2010.

Hægt er að skoða endanlegan lista með því að klikka á þennan tengil.

Málþingi og stjórnarfundi NHF, Nordiska Handikappförbundet, sem átti að vera um helgina 17. og 18. april 2010 hefur verið frestað vegna eldgossins og vandræða með flugsamgöngur. Ekki er enn komin ný dagsetning á þessa viðburði en verið er að vinna í að færa dagskrána. Fólk getur fylgst með hér á forsíðunni hvort einhverjar breytingar eiga sér stað og munum við láta vita um leið og hlutirnir skýrast.

Að undanförnu hefur Íbúðalánasjóður verið að vekja sérstaka athygli á og auglýsa það sem kallað er aukalán fyrir fatlað fólk, en þessi lán eiga sér langa sögu eða allt frá því tímabili hinnar opinberu peningastefnu þegar lán töldust happafengur og fundið fé. Nú er um að ræða allt að 8 milljóna kr. lán, sem fatlað fólk getur fengið til viðbótar þeim allt að 20 milljónum kr. er almennt bjóðast hjá Íbúðalánasjóði vegna íbúðakaupa, en bæði þessi lán bera sömu vexti. Aukalánin eru skilgreind þannig hjá Íbúðalánasjóði: „Þeir sem hafa skerta starfsorku, eru fatlaðir eða hreyfihamlaðir geta fengið aukalán vegna sérþarfa til að gera breytingar á íbúðarhúsnæði vegna sérþarfa sinna eða til að kaupa eða byggja húsnæði sem hentar og er þess vegna dýrara en ella.“. Hér er kolröng hugmyndafræði á ferð sem þarf að endurskoða frá grunni.